پەروەردە و ڕاھێنان

بە نێوی خوودای گەورە و دڵۆڤان

عضو شوید

عضویت سریع

بە نێوی خوودای گەورە و دڵۆڤان سڵاو ئازیزان. زانیاران بواری پەروەردە دەڵێن تەنیا رێگەی لابردنی بەندیخانەکان، چاکسازی قوتابخانەکانە. جگە لەمە گرینگی ڕۆڵی پەروەردە و ڕاھێنان بە تایبەتی لە سەدەی ٢١دا بۆ ھەموان پشتڕاست بوەتەوە. بە باوەڕی من ناکرێت بە بێ بایەخدان و سەرنجدان بە پەروەردە و ڕاھێنان لە کۆمەڵگای کوردیدا، بە ئایەندە و داھاتووی نیشتمانەکەمان گەشبین بین. ھەر بۆیە ھەڵگرتنی بچووکترین ھەنگاو لەم رێگەدا دەتوانێت گرینگی تایبەت بە خۆی ھەبێت. بە ھۆی ئەم شتانەوە حەوڵم داوە ئەم ڤێبلاگە رێبخەم کە دەتوانێت بۆ ماموستاکان، قوتابیان و خوێندکاران بە کەڵگ بێت. لە گەڵ ڕێز و پێزانین ئیبراھیم ئاریانی (خویندکاری دوکتورا لە بواری زانستی پەروەردەیی- کوردستانی ڕۆژھەڵات)

کورتە مێژووی دەروونشیکاری

لە نیوەی دووھەمی سەدەی ١٩ کە دەروونناسی بە عینوانی یەک زانست و عیلم، ئێعلامی سەربەخۆیی کرد، لەو سەردەمەدا وایان بیر دەکردەوە کە ئەرک و کاری دەروونناسی شیکردنەوەی تاکە ئاسایی و نۆرماڵە گەورەساڵەکانە. حەول و تەقالایان ئەمە بوو کە ئەندامەکانی بەشی ھۆشیاری زێھن (خودئاگا) بناسن و زۆرتر بە ئەندامە ھەستیەکان گرینگیان دەدا. یەعنی ئەمە کە ھەرشتێک لە رێگەی ئەندامە ھەستیەکان کۆ دەکرێتەوە لە درێژەی یەک پڕۆسە دەکرێت بە خودئاگا. ئەمما ھاوکات لە گەڵ بڵاو بوونەوەی بیر و ئەندێشەی فرۆید بابەتێکی نوێ ھاتەبەرباس. بە خاتر ئەوەی کە فرۆید دەیگوت ئەگەر ئێمە دەروون یان رەوانی ئینسان یان بە وتەیەکی دیکە کەسێتی ئینسان بە وێنەی تەپ و کۆمەڵێکی سەھۆڵی سەراوی (شیناوەر) لە نەزەر بگرین، خودئاگا (رووکاری ھۆشیاری زێھن) تەنھا بەشێکی بچووک لەم تەپە سەھۆڵینەیە کە لە دەرەوەی ئاودایە و دەبیندرێت، ئەمما بەشی گەوەرەی ئەو تەپە سەھۆڵینە کە لە ژێری ئاودایە ناخودئاگا یان رووکاری ناھۆشیاری زێھنی تاکە. بەنا بە وتەی فرۆید لە ناخودئاگا زۆرێک لە خواست و مەیل و تامەزرۆیەکان سەرکوت کراوە و ھەستۆک و ھەوەسەکان جێنشین بوون کە ئەمانە نە دەبیندرێن و نە دەتوانین بە ھاسانی دەستمان پێیان بگات.

تیئۆری دەروونشیکاری

تاوتوێ کردنی ھەر تیئۆریەک کە لە وەرزەکانی دواتر بەیان دەکرێن لە چواربەشی ژێرەوە ئەنجام دەدرێت.

١- ژیاننامەی تیئۆریزیەن

٢- ناوەڕۆکی تیئۆری

٣- رەوشی توێژینەوە

٤- ڕەخنە و ھەڵسەنگاندنی تیئۆری

:: موضوعات مرتبط: تیئۆری کەسێتی , ,
:: بازدید از این مطلب : 315

ن : ئیبراھیم ئاریانی

ت : چهار شنبه 31 شهريور 1395

نظرات ()